Ontmoet die Wiskunde tannie...

Ek gee vanaf 2023 voltyds skool by Hoërskool Durbanville en gee derhalwe nie tans enige ekstra klasse nie.  Ek is 'n sterk voorstander van leerder-hulp (peer-learning) en moedig leerders aan om hulp by ander (akademies sterker) leerders te vra.  Kontak my gerus indien u 'n gr10 of 11 leerder soek om u kind te tutor.

Ek het aan die Universiteit van Stellenbosch studeer in Wiskunde en Musiek waar ek dan ook my Nagraadse Onderwyser Sertifikaat (HOD) verwerf het.  Met 10 jaar onderwysondervinding en 'n passie vir onderrig en jongmense, sal jy ver soek om 'n meer entoesiastiese motiveerder te kry.

Ek woon ongeveer 1km vanaf Hoërskool Durbanville en het saans klas by my huis gegee.  Die gemaklike en ontspanne atmosfeer skep 'n uitstekende leeromgewing - veral aangesien goeie verhoudings gebou word en daarom meer effektiewe onderrig plaasvind.  Ek glo aan 'n leerdergesentreede benadering en gee dus nie 'n vooraf-bepaalde gestruktureerde les nie, maar werk eerder met die leerders se spesifieke vrae en behoeftes.